Hilary Duff

Hilary Duff
Vida
Nacimientu	Houston, 28 de setiembre de 1987[1] (36 años)
Nacionalidá	Estaos Xuníos
Residencia	Beverly Hills Toluca Lake (es)
Llingua materna	inglés
Familia
Padre	Robert Erhard Duff
Madre	Susan Colleen Cobb
Casada con	Mike Comrie (2010 – 2016) Matthew Koma (2019 – )[2]
Fíos/es	4[3]
Hermanos/es	Haylie Duff
Estudios
Estudios	Young Actors Space
Llingües falaes	inglés[4]
Oficiu	actriz, actriz de televisión, actriz de cine, cantautora, productora de cine, novelista, actriz de voz, entamadora, productora musical, diseñadora de moda
Altor	1,52 m
Llugares de trabayu	Estaos Xuníos
Trabayos destacaos	Lizzie McGuire A Cinderella Story Younger How I Met Your Father (es) War, Inc.
Xéneru artísticu	pop rock new wave danza pop
Mena de voz	sopranu
Instrumentu musical	voz
Discográfica	Walt Disney Records Disney Music Group Hollywood Records (es) RCA Records Sony Music Entertainment
IMDb	nm0240381
hilaryduff.com

Hilary Erhard Duff (28 de setiembre de 1987, Houston), conocida artísticamente como Hilary Duff, ye una actriz, cantante, compositora, empresaria, autora y humanitaria d'Estaos Xuníos.

Nacida y criada en Houston, Texas, Duff empezó la so carrera dende bien temprana edá, participando en producciones de teatru locales y anuncios de televisión. En 1997 recibió'l so primer papel cinematográficu, onde interpretó'l papel principal na película Casper Meets Wendy. Tamién apaeció na película True Women (1997) enantes de llegar a la fama nel papel protagonista de la comedia adolescente de Disney Channel Lizzie McGuire.^[5] Establecida como una ídolu adolescente, Duff volvió interpretar esi papel en The Lizzie McGuire Movie (2003) y aventuróse nel cine coles sos primeres películes Agent Cody Banks (2003), Cheaper by the Dozen (2003), A Cinderella Story (2004) y Cheaper By the Dozen 2 (2005), siendo unu de los mayores ésitos comerciales de la so carrera.

Amás del cine, Hilary protagonizó dos películes pa la televisión: Cadet Kelly (2002), y The beauty and the briefcase (2010). Más apocayá, presentóse nuna serie de películes independientes y drames de televisión como Gossip Girl, amás de compartir creitos de producción. Empecipió la so carrera musical en 2002 col álbum navidiegu Santa Claus Lane sol sellu de Walt Disney Records llogrando vender mediu millón de copies nos Estaos Xuníos. Esi mesmu añu participa nel soundtrack de la película The Lizzie McGuire movie grabando dos tarrezas: "What dreams are made of" y "Why not", siendo esti postreru la tema que representó l'álbum del soundtrack de la película. Dichu álbum foi certificáu pola RIAA discu doble platín por vender dos millones de copies nos Estaos Xuníos. Dempués de roblar con Hollywood Records, Duff amplió'l so repertoriu pa incluyir música pop y llanzó dellos álbumes. En 2003 álbum d'estudiu Metamorphosis (2003) foi certificáu pola RIAA triple platín, allugándose nel puestu númberu ocho de los discos más vendíos en 2003 nos Estaos Xuníos, ente que'l siguiente álbum d'estudiu Hilary Duff (2004) y el álbum recopilatorio Most Wanted (2005) fueron discos de platín. Exhibió una imaxe más adulta col llanzamientu de Dignity (2007), qu'amuesa un cambéu a un soníu más empobináu al baille. Certificáu oru, l'álbum «With Love» tuvo'l so mayor gráficos de senciellos hasta la fecha, que tamién llegó al númberu 1 nel Hot Dance Club Songs de Billboard tabla de EE. UU., convirtiéndose nel primeru de los sos trés númberos unu consecutivos nesa llista. En 2008, salió a la venta con bien escasa promoción l'álbum Best of Hilary Duff, una escoyeta de los sos grandes ésitos col cual Duff terminó'l so contratu con Hollywood Records. Dar a conocer qu'a finales del añu 2012 Duff vendiera aproximao 21'5 millones d'álbumes en tol mundu^{[ensin referencies]} (incluyendo los álbumes de les bandes sonores de les películes "The Lizzie McGuire Movie" y "A Cinderella Story") y actuara en cuatro xires de conciertos a nivel mundial.

Duff tamién se destacó n'otres industries, dio la mano a la moda col llanzamientu de les sos propies llinies de ropa Stuff by Hilary Duff y Femme for DKNY. Jeans, amás robló con IMG Models y llanzó dos coleiciones d'arume esclusivo con Elizabeth Arden. Amás d'escribir una serie de noveles p'adultos nuevos, qu'entiende Elixir (2010), Devoted (2011) y True (2013) tamién contribuyó a delles causes humanitaries. Tuvo casada col ex-xugador de ḥoquei Mike Comrie, con quien tien un fíu llamáu Luca Cruz Comrie, dixebrándose d'ésti a principios de 2014. Mientres años foi considerada la Reina de Disney.^[6]

1. ↑ Afirmao en: Gemeinsame Normdatei. Data de consulta: 26 abril 2014. Llingua de la obra o nome: alemán. Autor: Biblioteca Nacional d'Alemaña.
2. ↑ URL de la referencia: https://people.com/tv/hilary-duff-marries-matthew-koma/.
3. ↑ URL de la referencia: https://people.com/parents/all-about-hilary-duff-kids/.
4. ↑ Identificador CONOR.SI: 33619555. Afirmao en: CONOR.SI.
5. ↑ Hilary Duff makes the most of TV fame. New York: NY Daily News. December 2, 2002. http://articles.nydailynews.com/2002-12-02/entertainment/18210354_1_lizzie-mcguire-hilary-duff-disney-channel. Consultáu'l January 16, 2008. 
6. ↑ {http://www.foxnews.com/story/2003/05/21/hollywood-embraces-tween-queen-hilary-duff/}